Ausstellung/Mostra Abstract N lecort dl moler Silvio Senoner da Rijeda
VERNISSAGE: 05.09.2014 / 20.30
NTRODUZION / EINFÜHRUNG / INTRODUZIONE Bruno Perathoner
SALUT DE L'AMBOLT DE S.CRISTINA Eugen Hofer
06.09.2014 - 28.09.2014 uni di / täglich / tutti i giorni 10.00 - 12.00 + 16.00 - 19.00 ve + sa 20.30 - 22.30
La Lia Mostra d'Ert nvieia duc de cuer ai 5 de setëmber dala 20.30 ala giaurida dla mostra "Abstract", cun chëla che n uel lecurdé Silvio Senoner da Rijeda.
Da udëi saral si lëures a uele che l à fat ti ultimi cater ani de vita, pitures che l à depënt dal mumënt che l pudova depënjer y lauré cun plu lidëza cun uedl al Astratism.
Te si pitures nes prejënta Silvio na reinvenzion dla pitura astrata. N possa dì che l à cris ora tlo n tëma cun na variazion persunela, purtà dant te na maniera dl Espresciunism astrat, spontan de azion sun gran format, lauran cun de plu sortes de cazueles y de gran peniei. Chësc nes juda a udëi te si pitures la belëza dl material y di culëures. L ie n spiedl de na realtà culturela, artejanela y artistica vivuda.
Ënghe sce Silvio ie stat n artejan etletich (de stii defrënc) de uni viers cun n gran savëi prufescionel dla tecniches de depënjer, pudons dì che si natura y ana fova chëla de n artist, ma ënghe chël che l à fat da artejan fova for de n aut livel prufescionel.
I chedri metui ora ie n spiedl de si ultima pascion dl'ert.
La mostra sarà da udëi dai 6 ai 21 de setëmber, uni di dala 10 ala 12 y dala 16 ala 19. De vënderdi y sada sarà la mostra davierta nce dala 20.30 ala 22.30.
Comments